25.03.2024 12:00

Umumta’lim muassasalarida sog‘lom ovqatlantirishni tashkil etishni yanada takomillashtirish bo‘yicha hamkorlik

Bugungi kunda umumta’lim maktablarida davlat-xususiy sheriklik asosida oshxona yoki bufet qurish, ta’mirlash va jihozlash, hududda oshxona faoliyati yo‘lga qo‘yilmagan maktablarda sog‘lom ovqatlanishni tashkil etish, ijtimoiy himoyaga muhtoj oilalarning farzandlari (o‘quvchilar) uchun imtiyozli shartlarda ovqatlanishini ta’minlash, oshpazlik kasbiga ega bo‘lgan hududda ishsiz bo‘lgan fuqarolarni ish bilan ta’minlash maqsadida umumta’lim maktablari o‘quvchilarini issiq va sifatli oziq-ovqat bilan ta’minlash, oshxona va bufetlari mavjud bo‘lmagan umumta’lim muassasalarining moddiy-texnika bazasi holatidan kelib chiqib tashabbuskor tadbirkorlik subyektlariga investitsiya va ijtimoiy majburiyatlar yuklangan holda 10 yil muddatgacha davlat-xususiy sheriklik asosida berish bo‘yicha loyiha amalga oshirilmoqda.

Shu munosabati bilan, Xalq ta’limi vazirligi xalq ta’limi tizimidagi oshhonalarni davlat-xususiy sheriklik asosida berish va yangi oshxonalar qurish bo‘yicha xususiy sektor vakillarini hamkorlikka chaqiradi.

Loyihani amalga oshirishga qiziqish bildirgan tadbirkorlik subyektlari quyidagi talablarga hamda “Umumta’lim muassasalarida sog‘lom ovqatlantirishni tashkil etishni yanada takomillashtirishga qo‘yilgan talablar”ga javob beruvchi takliflarini taqdim etishlari kerak:

1. Umumiy ovqatlanishni tashkil etish sohasidagi faoliyati, ish tajribasi to‘g‘risida ma’lumotnoma.
2. Maxsus moddiy-texnika bazasi va oziq-ovqat mahsulotlarini tayyorlash texnologiyasi bo‘yicha malakali mutaxassislar mavjudligi haqida ma’lumotnoma.
3. Bo‘sh aylanma mablag‘lari mavjudligi to‘g‘risida bankning ma’lumotnomasi;
4. Talabgorning ta’lim muassasasi oshxonasining moddiy-texnika bazasini mustahkamlash bo‘yicha istiqbol rejasi va takliflari.
5. Tanlovda davlat ro‘yxatidan o‘tgan, umumiy ovqatlanish bo‘yicha kamida
   olti oy davomida faoliyat yuritayotgan, maxsus moddiy-texnika bazasi (zamonaviy texnologik jihozlar), oziq-ovqat mahsulotlari va taomlar tayyorlash texnologiyasi bo‘yicha mutaxassislari mavjud bo‘lgan talabgorlar ishtirok etishlari mumkin.

Loyihani davlat-xususiy sheriklik asosida amalga oshirish istagida bo‘lgan tadbirkorlik subyektlari quyidagi hujjatlarni to‘ldirgan va tasdiqlangan holda Vazirlikka taqdim etishlari zarur:

Loyiha konsepsiyasi shakli

Loyiha baholash hujjati (moliyaviy model) shakli

Diqqat! Loyiha takliflari joriy yilning 15 sentabr  kuni soat 18:00 ga qadar qabul qilinadi. Qiziqish bildirgan tadbirkorlik subyektlari o‘z takliflarini Toshkent shahri, Shayxontohur tumani, 2A-uy (pochta indeksi: 100011) manzili bo‘yicha Vazirlik devonxonasiga shaxsan taqdim etishlari yoki info@xtv.uz hamda gchpmno@gmail.com elektron pochtasi orqali yuborishlari so‘raladi.